New Libya
قريبا نيو ليبيا

جديد الغناوي 2010

استعرض الموضوع السابق استعرض الموضوع التالي اذهب الى الأسفل

جديد الغناوي 2010

مُساهمة من طرف محمد سالم جاد في الجمعة أبريل 23, 2010 6:45 am

1. اتركهن وتنال الصير مالك سبب في دمعهن.

2. اتركهن تنال جميل مالك سبب في ذنبهن

3. أنتي سبايبه ياعين غلا عزيز لولاك ما رسم.

4. اجعن دعاي يامرهون تلقاه في ضراري كبيدتك.

5. اعزاز مالكين العقل ينساهم منامه يجيبهم

6. الافا لنهار يجول ,,, العقل داه مالليل ياعلم

7. العقل واسع الجالات أضايق مع نار الغلا.

8. العقل ما ينام الليل سطير جرح لولاف سمره

9. الـعـقل يابـعاد الـدار يـمـسي مـعاي ويـيات عـندكـم.

10. العقل في بلاد جهال؛ إن دار الغلا ياذوه ياعلم.

11. العقل ماعطوه حقوق اصحاب الغلا ضالمينه.

12. الدمع ما يجلي الياس أيزيدكن أرياف وتنعمن.

13. الدمع يوم ياس عزيز لو كان غيث لوطان أرجعن.

14. العين هدبها علي عزيز ياما باكيه

15. العين قابلت ووزنت والعقل قال ما كيفك علم.

16. العين هي عـذاب العقل دلاته علي راي ذيبله

17. الـعـين في العذاب تحمل ترجاهم رجا نين يـقسموا.

18. العين من غلا مرهون تذوح ما دباره لاقيه.

19. العين شوقها مرهون والفاضي اغباوه دايره.

20. العين وين قالت تاب مرهون دار به نين نقضه.

21. العين حاسبت لو قات لقت زمانها مايل بكت.

22. النار في قرار العقل نزلت ياعلم دار راكحه.

23. النار قايله للعقل أن صار يأس لولا ف ناخـذك.

24. الناس يحسبوك ربيع وأنت عذاب يانار الغلا.

25. الصبر خير واشوي ذنب واكثر جميل وأولي م البكا.

26. اللي بهم الصيف ربيع خشوا ا لجون ياعين باعدوا.

27. اللي صا يرة بالعقل سراقة بها ما تدري.

28. اللي غلاه في مرهون دواه صبر ياطول عازنه.

29. إينوس خاطري مهيوس من ياس ناس كانو له ونس.

30. بين الروا ياثاب دخان ياعلم نارا لغلا.

31. بلا قشوشه للنار تشيط نوحلو في ردمها.

32. بعد رديم الياس شقيت نار لولاف لهلبت.

33. بنيت قصر في لامال .... اكبر الياس جاني وهدمه.

34. بالك عليه تغلي ويبقالك عزيلة خاطري.

35. بلاك ما نريد انعيشن نفداك بالروح ياعلم .

36. تبقي حايسه وتموح عزيز وين عيني تنظره.

37. بعد بكاه وان تغيب نقص عزيز ما نامن لحد.

38. تقد يعك علي لوهام بلا نصيب ياعين تجهلي.

39. تنهاهن يديرن عزم يجيهن الليل ويذرفن.

40. تها يولها واسمرت العين وين ما لاج نومها.

41. ترجاك والرجاء في الله العين ياعلم ما ميسه.

42. تبقي حايسه وتموح عزيز وين عيني تنظره.

43. تشيط في خفا وتبان سبيل عادة النار ياعلم.

44. تاكل بلا دخان جواني دقيله نارهم.

45. ترجي العين تاسع ياس ترقيع في غلا بايد لها.

46. تذوح في عقاب الدار تلقي عزيز هيال بالها.

47. تصليب جابها ع الكبد خبير ياعلم نارا لغلا.

48. تقول شاطات اليوم غيات ياعلم باد جيلهن.

49. توا روا وهم حيين عرب أجواد كانوا يفعلوا

50. ثلاث هن دوا المريض ان جن يموت وان غابن بري.

51. جبد سريب جابك فيه بكا العقل ما حوته سكت.

52. جضيض خاطري م ألنار بكي جميع مولاي ما خلق.

53. جرت عليه نار عزيز العقل نين شاكي خالقه

54. جروح يا عزيز غلاك م الغيبه برايا ع العدم.

55. حرثن فيه نين جبرن شلال دمعتي يوم ياسهم.

56. حتي والمواوير يـاس غلا عزيزنا ما نتركه.

57. حتي وهو عذاب سنين يغات ا لمراهين فاكه.

58. حتي وانت فيك الياس خلق الله توقاتك فرج.

59. حال غايتي في الصوب وان صارا لخطا مانحضره.

60. حتي وأنت فيك الياس خلق الله توقاتك فرج.

61. خليت ياعزيز ألعقل جنازه بلاروح واقفة.

62. خلاني صفا ليام نشاكي اللي مانشغله.

63. خلا ني غلا مرهون نشاكي الدانون ياعلم.
avatar
محمد سالم جاد
عضو قديم في نيو ليبيا
عضو قديم في نيو ليبيا

ذكر
عدد الرسائل : 138
العمر : 28
العمل/الترفيه : طالب
بنغازي
تقييم الاعضاء لك : 0
تاريخ التسجيل : 18/01/2010

الرجوع الى أعلى الصفحة اذهب الى الأسفل

رد: جديد الغناوي 2010

مُساهمة من طرف colpy في الأحد أبريل 25, 2010 12:43 pm

منور يا صقع
avatar
colpy
عضو نيو ليبيا
عضو نيو ليبيا

ذكر
عدد الرسائل : 331
العمر : 26
العمل/الترفيه : طالب جامعي
بنغازي
تقييم الاعضاء لك : 0
تاريخ التسجيل : 02/02/2010

الرجوع الى أعلى الصفحة اذهب الى الأسفل

رد: جديد الغناوي 2010

مُساهمة من طرف سموحة بنغازي في الإثنين أبريل 26, 2010 7:10 am

منور بكل يا محمد
avatar
سموحة بنغازي
عضو نيو ليبيا
عضو نيو ليبيا

انثى
عدد الرسائل : 677
العمر : 23
الموقع : احلى مدينة
العمل/الترفيه : تالتة ثانوي ..
بنغازي
تقييم الاعضاء لك : 1
تاريخ التسجيل : 24/09/2009

الرجوع الى أعلى الصفحة اذهب الى الأسفل

رد: جديد الغناوي 2010

مُساهمة من طرف عاشقة الربيع في الأربعاء أكتوبر 13, 2010 11:44 am


يالعزيز ارضيت افراقى ............ قيسك ناسى والله لاقى
[i]
avatar
عاشقة الربيع
عضو نيو ليبيا
عضو نيو ليبيا

انثى
عدد الرسائل : 454
العمر : 38
العمل/الترفيه : معلمة/ الاطلاع والسياحة
البيضاء
تقييم الاعضاء لك : 6
تاريخ التسجيل : 15/05/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى