رمضانيات الزردة الليبية

الناظر الي الزردة الليبية منذ بدايتها وحتي تاريخ اليوم يري ان هناك تقدما بخطا ثابته في الطريق الصحيح فان السير بخطا ثابته في الطريق الصحيح خير من السرعه في الطرقه الخطا
كيف لايكون هذا للزردةولديها مدير مثل الادمن الذي يعلم كيف يدير هذا الموقع
كيف لايكون لها هذا ولديها اعضاء مثل الورفلي وميدو والعاشقه والملكة الاهلاوية
وميدو مونق وحنطوشة واميرة وابن العرب والكثير الكثير من الاعضاء الذين لولاهم لما كانت الزردة
ومانبش يكون كل كلامي في الحياة الوردية واالايجابيات يعني ضروري نشوفو الموضوع من جميع النواحي
ولكن مافش شي كامل
لكل شي اذا ماتم نقصان فلا يغر بطيب العيش انسان
فالموقع تبيله شغل ومش شغل شوية يعني نشوف انه الشكل العام للمنتدي مش ملفت للنظر يعني ضروري يكون الوان وحياة
بعدين انا نفضل انه نحجزو مكان اكبر للمنتدي
بالنسبه لفكرة عيد الميلاد انا جدا نحبذها ونرحب بيها واللي تبوها باهي
نجو لرمضان ورمضان هو الفاصل في الزردة السنه هذي
يعني انا نفضل انه يكون الشغل عملي اكثر ما انه نظري يعني مواضيع الصلاة والصيام والزكاة اظن انه حفظناهن حفظ اذا مش من التلفزيون فمن النت واذا مش من النت فمن مصادر واجده
يعني ممكن اقتراحي يكون غير مرغوب للكثير من الاعضاء ولكن انا اتمني
بصراحة في فكرة "شنطة رمضان" والله والله اعرف الكثير من العائلات لايجدون مايفطرون في رمضان وفيهم شباب وبنات زي الورد يعني كل واحد يحط اي حاجة في الشنطه هذي ويصرف فيها بمعرفته اي شي وان شاء الله في افكار في راسي واجدة علي انه الزردة يكون من احسن المواقع مش في ليبيا بس لكن في العالم العربي
كيف المسابقات الجوائز
ممكن نكون نحلم واجد بس
كل حاجة في ايدينا نقدرو نغيروها
تحياتي واسف لاني طولت وسكنت
ملك بلا مملكة

لا جديد

هاى
انا موافقه على كل قرارتكم الا حذف العضو خطاء واكبر خطاء يعنى كان مادر مشركات نحذفوه خليها اقل مافيها لمه يكبر عدد الاعضاء وبعدها احذف
شكــــــــــــــرا

معلش بس كنكم قفلين قسم الرماضنياة

السلام عليكم ورحمة الله وبركاته ..
اولا تسمية عيد انحس فيها ماشور شي لان نحن مسلمين وعندنا عيدين فقط ..
ممكن انسموها الذكرى السنوية للزردة الليبيه
انا نتمنى ان تكون احتفالية كبيرة جداااا للذكرى
خاصة نحن في شهر الطاعه والصيام وشهر مبارك
ليش ماانديروا مائدة كبيرة للافطار ونسموها مائدة الرحمن ويتلاقوا فيها جميع الاعضاء بس البنات يقعدن في حواشينهن
وكل واحد ايجيب معاه ماتيسر من الاكل والطبخ ونفرشوا في مكان عام ونتلاقوا ونهدرزوا ونبدرزوا وتقعد تحسن احتفالية ...
ومن اجر وتواب ومن عيد وقديد ..
والسلام ختام ..
وهذا رأي انا بيدي